Տասնմեկ հաղթանակների շարքն ավարտված է․ ՊՍԺ-ն 4։2 հաշվով հաղթեց «Բարսելոնային»
«Բարսելոնան» ընդհատեց անընդմեջ տասնմեկ հաղթանակների իր շարքը։ Մենք հետևեցինք ներկայիս Եվրոպայի երկու ուժեղագույն թիմերի հանդիպմանը, որտեղ 4։2 հաշվով հաղթեց ՊՍԺ-ն։ Վեց գոլ, բազմաթիվ սեյվեր, շատ գոլային պահեր, մեծ պրեսինգ և բարձրորակ ֆուտբոլ։
Անհաջող իրացում առաջին խաղակեսում
Առաջին խաղակեսում թիմերը միասին ստեղծեցին ընդհանուր առմամբ 3-ից փոքր-ինչ պակաս xG (ակնկալվող գոլեր)։ Գոլային պահերի պակաս չկար․ որոշ դրվագներում փրկում էին դարպասապահները, որոշներում էլ թերանում էր հարվածների իրացումը։
Խավի Էսպարտը ձախ թևում «կերավ» Խվիչային
«Բարսելոնան» պաշտպանության գծում խնդիրներ ունի, բացի այդ, վնասվածքներ ունեցողներն էլ շատ են։ Մեկնարկային կազմում հայտնվեց Խավի Էսպարտը։ Ընդհանրապես նա ձախ պաշտպան է, բայց խաղաց աջ եզրում և փայլուն հանդիպում անցկացրեց։ Նրան բարդ առաջադրանք էր բաժին հասել՝ պետք է կանգնեցներ Խվիչային, այն էլ՝ ոչ հարազատ եզրում, և նա գերազանց գլուխ հանեց՝ մրցակցին ոչ մի հնարավորություն չթողնելով։ Ավելին, Էսպարտը գոլ խփեց՝ հավասարեցնելով հաշիվը, և դարձավ Չեմպիոնների լիգայում գոլ խփած ամենաերիտասարդ պաշտպանը։ Նա շրջանցեց Սերխիո Ռամոսին։
Չորս վնասվածք
Խաղում չափազանց կոպտություն չկար, սակայն վնասվածքներն այնուամենայնիվ քիչ չէին։
Սկզբում վնասվածք ստացավ Դեմբելեն, ապա Դանի Օլմոն, այնուհետև՝ Խիչան։ Լուրերի համաձայն՝ վրացի հարձակվողը, հավանաբար, ծնկի խաչաձև կապանների խնդիր ունի և կարող է շարքից դուրս մնալ մինչև ինը ամիս։ Վնասվածք ստացավ նաև Մարկինյոսը։ Մինչդեռ կոպիտ խաղ չկար, միայն Պաչոյի գլխին էր երբեմն հարված հասնում։
Թիմերի կիսապաշտպանություններն իրենց տարբեր կերպ դրսևորեցին
ՊՍԺ-ի կիսապաշտպանությունը հիանալի հանդես եկավ։ Գծի յուրաքանչյուր խաղացող աչքի ընկավ արդյունավետ գործողությամբ, սակայն բոլորից շատ ուզում ենք առանձնացնել Ֆաբիան Ռուիսին։ Իսպանացին ոչ միայն գոլ խփեց, այլև գոլային պահեր ստեղծեց խաղընկերների համար և հասնում էր ամենուր։ Սա ևս մեկ բարձրակարգ հանդիպում է նրա ակտիվում։
«Բարսելոնայի» կիսապաշտպանությանը վերաբերող հարցերն ավելի շատ են։ Ռոդրիին հանգիստ էին տվել «Էլ Մարիկոյից» առաջ, և հիմքում մենք տեսանք Բեռնալին, սակայն Բեռնալ – Պեդրի զույգն իրեն չարդարացրեց։ Բեռնալը շատ էր սխալվում, չէր հասցնում փակել գոտիները և թույլ էր տալիս փարիզեցիներին վտանգավոր պահեր ստեղծել։
Դարպասապահների գործողությունները
Չի կարելի չանդրադառնալ նաև դարպասապահներին։ Ժոան Գարսիան, չնայած չորս բաց թողած գնդակին, կատարեց 10 սեյվ և լավ խաղ անցկացրեց։ Մատվեյ Սաֆոնովը երկու անգամ քիչ բաց թողեց, բայց երկու գոլերն էլ նրա սխալների հետևանքով էին։ Առաջին գնդակը թռավ մոտ անկյունը, իսկ երկրորդը Լամին Յամալը խփեց սուր անկյունից։
Յամալ. ոչ վատ հանդիպում տոպ մրցակցի դեմ
Յամալը գրեթե ամբողջ խաղի ընթացքում չէր երևում, նրան փակել էր Լուկաս Էռնանդեսը։ Սակայն փոխարինումից հետո խաղադաշտում հայտնվեց Զաիր-Էմերին և հենց առաջին դրվագում սխալվեց։ Լամինն օգտվեց հնարավորությունից, հարվածեց և
գրավեց դարպասը սուր անկյունից։ Սա օգնեց նրան տոպ մրցակցի դեմ խաղում ավելի լավ դրսևորել իրեն, քան սովորաբար։ Բայց ընդհանուր առմամբ սա անհաջող հանդիպում էր «Ոսկե գնդակի» հավակնորդի համար։
Այս պարտությունը «Բարսելոնայի» համար ոչինչ չի փոխում։ Այո՛, գոլային շարքն ընդհատվեց, և պարտվելը միշտ էլ տհաճ է, բայց առջևում «Էլ Կլասիկոն» է։ Թիմը դեռևս գտնվում է հիանալի մարզավիճակում։ Տեսնենք, թե ինչ կցուցադրի «Բարսելոնան» հանգստյան օրերին։
